Dr Walter rennt zur Mutter hoim,
er hot´s gar wichtig g´het:
Die Buaba en dr Schul hend gsaid,
dr Storch brengt Kinder net.
Wenn mi dr Storch net bronga hot,
woher hosch mi no kriegt?

Die Mutter denkt:
Was sag i gschwend?
A Sünd isch, wenn ma lüegt!
Sie sait en dr Verlegaheit:
Di han i kauft beim Tietz!
Des Büeble guckt en Spiegel nei
ond sagt betrübt: Ma sieht´s!
Hättsch a paar Pfennig meh ausgea
für mi vor siebe Johr,
no hättsch an schönra Bueba kriegt
ond koin mit rode Hoor!